Қазақстан хоккей чемпионатындағы кезекті матчта «Алматы» сырт алаңда атыраулық «Бейбарысты» 4:1 есебімен тізе бүктірді.
Кездесуде алдымен алаң иелері есеп ашты: 7-минутта Артур Гусев көзге түсті. Алайда екінші кезеңде Артём Бурделёв сан басымдығын сәтті пайдаланып, таразы басын теңестірді.
Одан кейін Владимир Корчагин 29-минутта «Алматыны» алға шығарса, Евгений Рымарев 36-минутта тағы бір гол соғып, қонақтардың басымдығын ұлғайтты.
Соңғы нүктені де Рымарев қойды. Ол 58-минутта дубль жасап, матчтағы есепті 4:1-ге жеткізді.
Осы жеңістен кейін «Алматының» еншісінде 16 ұпай болды да, команда турнир кестесінде жетінші орынға орнықты. «Бейбарыс» алты ұпаймен сегізінші сатыда тұр.
Қосымша матч 7 қазанда Атырауда өтеді. Кездесу жергілікті уақытпен 19:00-де басталады.
