weather Астана: --°C
weather Алматы: --°C
weather Шымкент: --°C
.
Мәзір
Серіктестер
Бүгін / SportRoom / Бокс 1
Поделиться: WhatsApp Telegram Twitter Facebook

Профи рингінде 16 жеңісі бар Ли Ривз 31 жасында көз жұмды

Ирландиялық боксшы Ли Ривз үш ай бұрын жекпе-жекте ауыр жарақат алып, 31 жасында қайтыс болды. Ол жекпе-жектен кейін ота жасатып, жасанды комада жатқан еді.

Профи рингінде 16 жеңісі бар Ли Ривз 31 жасында көз жұмды Профи рингінде 16 жеңісі бар Ли Ривз 31 жасында көз жұмды
Sports.kz

Ирландиялық боксшы Ли Ривз 31 жасында дүниеден өтті. Ол жекпе-жекте алған ауыр жарақаттардан кейін үш айдан соң қайтыс болды.

Тамыз айында Ривз Дублинде жерлесі Гэри Каллиге нокаутпен есе жіберген еді. Жекпе-жектен кейін оған миына операция жасалып, содан бері спортшы дәрі-дәрмекпен ұйықтатылған күйде жатқан.

Boxingscene.com мәліметіне қарағанда, өткен демалыс күндері боксшыда инфекция пайда болып, ол 16 қараша, дүйсенбі күні көз жұмған.

Queensberry Promotions ұйымдастырған жекпе-жекке байланысты промоутерлік компания марқұмның отбасына көңіл айтты. «Queensberry-дегі бәріміз Ли Ривздің қазасы туралы хабардан есеңгіреп қалдық. Ли аса дарынды боксшы, өз ортасы үшін нағыз үлгі мен шабыт көзі еді», — делінген мәлімдемеде.

Калли де рингтегі қарсыласына құрмет көрсетіп, әлеуметтік желіде арнайы жазба қалдырды. Екеуі жекпе-жекке дейін-ақ бір-бірін білетін.

Әуесқой деңгейде Ривз бес ұлттық титул жеңіп алған. Кәсіби рингте ол 18 жекпе-жектің 16-сында жеңіске жетіп, олардың 11-ін нокаутпен аяқтады.

.

Көп оқылды:

.
.