Қазақстан құрамасы Сенегалдың Дакар қаласында өткен 2026 жылғы жасөспірімдер Олимпиадасын сегіз медальмен аяқтады. Ел қоржынына 2 алтын, 3 күміс және 3 қола жүлде түсті.
Алғашқы алтын медальді 52 келіге дейінгі салмақта дзюдошы Фатима Супыгалиева әкелді. Екінші алтынды жеке шосселік жарыста, раздельді стартпен жарысқан велошабандоз Анель Ташбай жеңіп алды.
Күміс жүлдегерлер қатарында 57 келіге дейінгі салмақта сынға түскен боксшы Ақнұр Тұрсынғали, 70 келіге дейінгі салмақтағы Бибарыс Ашырбай және семсерлесуші Айбар Қайым бар. Айбар Қайымның медалі Қазақстан үшін Дакардағы сегізінші жүлде болды.
Қола медаль боксшы Марал Төлепбергенге, 63 келіден жоғары салмақтағы таэквондошы Любовь Юнге және триатлоншы Рамазан Айнеговке бұйырды.
Қазақстан бұл додаға 11 спорт түрінде 18 спортшыны қосты. Құрама алты дисциплинада медаль алып, жалпыкомандалық есепте 22-орынға тұрақтады.
