Нұралы Алип өнер көрсететін петербургтік «Зенит» соңғы екі маусымда Еуропаның ең беделді клубтарын пенальти саны бойынша басып озды.
Бұл аралықта ресейлік команда 43 матчта 21 он бір метрлік соққы орындаған. Бұл — он жетекші еуропалық лиганың ішіндегі ең жоғары көрсеткіш.
Екінші орында мадридтік «Реал» тұр: испан клубы 49 кездесуде 18 пенальти орындаған. Одан кейін португалиялық «Брага» — 43 матчта 17, «Бенфика» — 43 ойында 16 пенальтимен орналасты. «Барселона» 49 кездесуде 15 пенальтимен үздік бестікке енді.
Сонымен бірге «Зенит» Ресей премьер-лигасында екі турдың ішінде бес пенальти орындаған алғашқы клуб атанды. Бұл статистика 2009 жылдан бері жүргізіліп келеді.
13-турда петербургтік команда сырт алаңда самаралық «Крылья Советовты» 3:0 есебімен ұтты. Гостердің пайдасына екі пенальти берілді: 21-минутта Александр Соболев мүмкіндікді пайдалана алмады, алайда 26-минутта дәл соқты. Алип 74-минутта алаңға шықты.
Самаралық клуб сапында Қазақстан құрамасының тағы бір ойыншысы Ислам Чесноков 78-минутта алаңға қосылды. Осы жеңістен кейін «Зенит» 30 ұпай жинап, РПЛ кестесінде көш бастады, ал «Крылья Советов» 15 ұпаймен тоғызыншы орында тұр.
