«Интер Майами» капитаны Лионель Месси Аргентина құрамасының алдағы жолдастық матчтарына ресми түрде шақырылды.
Лионель Скалони жасақтаған тізімге Эмилиано Мартинес, Хулиан Альварес, Лаутаро Мартинес және Родриго Де Пауль да енді. Сонымен бірге Николас Пас, Франко Мастантуоно, Матиас Суле және Валентин Барко сияқты жас ойыншылар да құрамадан орын алды.
Аргентина құрамасы өз алаңында үш жолдастық матч өткізеді. Алғашқы қарсыласы — Боливия құрамасы. Одан кейін команда Буркина-Фасоға қарсы ойнайды, ал серия Бенин құрамасымен кездесумен аяқталады.
Мессидің бұл шақыртуы оның ұлттық құрамадағы мәртебесін тағы бір мәрте айқындап отыр. Аргентина сапындағы тәжірибелі көшбасшы алдағы ойындарда команданың негізгі тіректерінің бірі болмақ.
