Канадалық Hockey Worldwide порталы Бексұлтан Мағыш пен Алишер Саркеновтің АҚШ-тағы NCAA Division I чемпионатында ойнауына ерекше назар аударды. Бұл — бір маусымда екі қазақстандық хоккейшінің осы деңгейде қатар шығуы алғаш рет тіркелген жағдай.
18 жастағы Бексұлтан Мағыш өткен маусымда Канададағы OHL лигасында өнер көрсеткен «Виндзор Спитфайрз» сапында 75 матчта 40 ұпай жинады: 14 гол соғып, 26 нәтижелі пас берді. Ал Алишер Саркенов WHL-дегі «Принс-Альберт Рэйдерз» құрамында 67 кездесуде 51 ұпайға қол жеткізді: 26 гол және 25 пас.
Саркенов бұған қоса Қазақстан жастар құрамасында да көзге түсті. Ол жастар арасындағы әлем чемпионатының IA дивизионында бес ойында 9 ұпай жинады: 3 гол, 6 пас. Сондай-ақ жасөспірімдер арасындағы әлем біріншілігінде Қазақстан сапында қола медаль еншілеп, бес матчта 5 ұпайдың авторы атанды.
Мағыш пен Саркенов те «Барыс» хоккей мектебінің тәрбиеленушілері. Алайда екеуі де клубтың негізгі құрамында КХЛ-де ойнап үлгермеді, өйткені ерте жастан мансабын Солтүстік Америкада жалғастыруды таңдаған.
Мағыш бұған дейін Қазақстанның U-18 жасөспірімдер құрамасына шақырылған, бірақ жарақатына байланысты ірі халықаралық турнирлерде толыққанды ойнай алмады.
