12 қыркүйек, сенбі күні қазақстандық файтер Евгений Егембердиев (13-5) Краснодарда өтетін ACA 207 турнирінде ресейлік Арби Агуевпен (40-13) қолғап түйістіреді. Агуев лақап атымен «Монстр» ретінде танымал.
Бұл жекпе-жектің тікелей трансляциясы шамамен Қазақстан уақытымен 19:45-те басталады. Көрермендер оны SPORT+ телеарнасынан тамашалай алады.
Егембердиев соңғы рет былтыр мамыр айында октагонға шыққан. Ол кезде ол ресейлік Максим Гришинмен (34-12-2) жекпе-жекте екінші раундта жарақат алып, кездесуді жалғастыра алмаған еді. Нәтижесінде жеңіс Гришинге берілді.
Арби Агуев соңғы айларда жақсы нәтиже көрсетіп жүр: ол төрт жеңіс қатарынан келген. Биыл қаңтардағы соңғы айқасында қырғызстандық Манас Имаровты (13-8) бірінші раундта нокаутпен жеңген.
