Ресейлік ММА шебері Усман Нұрмағомедов Лас-Вегаста өтетін UFC 335 турнирінде экс-чемпион Илия Топуриямен октагонға шығуы мүмкін. Бұл жөнінде инсайдер Рубен Картер мәлімдеді.
«Илия Топурия мен Усман Нұрмағомедовтің жекпе-жегі UFC 335 турнирінде өтуі мүмкін, егер UFC Усманмен келісімшартқа қол қоя алса», — делінген оның жазбасында. Сондай-ақ бұл мүмкіндік Дана Уайттың Арман Царукян мен Маурисио Раффи арасындағы кездесудің жеңімпазы бірден келесі титулдық жекпе-жекке шығады деп кепілдік бере алмайтынын айтқаннан кейін пайда болғаны көрсетілді.
Нұрмағомедов жеңіл салмақтағы PFL чемпионы атағын Арчи Колганды тамыз айында сәтті қорғағаннан кейін еркін агент атанды. Дана Уайт оның UFC сапына қосылуына ашық қызығушылық танытқанымен, әзірге нақты шешім қабылданған жоқ. PFL ұйымының эксклюзивті келіссөздер жүргізуге арналған 90 күндік басым құқығы бар.
Бапкер Хавьер Мендестің айтуынша, Нұрмағомедовтің UFC-мен келісімшартқа отыра ма, әлде PFL-де қайта қалама қоя ма — бұған қатысты түпкілікті жауап тек 2026 жылдың желтоқсанында белгілі болады. Ал UFC 335 турнирі 12 желтоқсанда АҚШ-тың Невада штатындағы Лас-Вегас маңындағы T-Mobile Arena аренасында өтеді.
