Жас футбол таланттарын бақылаумен айналысатын беделді шетелдік Rising Stars XI аккаунты «Челсидің» 17 жасар қазақстандық шабуылшысы Дастан Сатпаевқа жоғары баға берді.
Әлеуметтік желі X-тегі өз бетінде авторлар футболшының суретін жариялап, оған қысқа әрі көп мағыналы жазба қалдырды.
«Дастан Сатпаев (17 жаста). Қазақстан футболы тарихындағы ең үлкен талант», — делінген жазбада.
Атап өтетін жайт, Сатпаев «Челси» құрамасына Австралияның «Вестерн Сидней Уондерерс» командасымен өткен жолдастық кездесуде дебют жасаған болатын. Сол матч 6:4 есебімен аяқталып, жас қазақстандық шабуылшы гол соғуға да үлгерген еді.
Кейінірек Сатпаев лондондықтардың дайындық кезеңіндегі екінші матчында, «Тоттенхэммен» кездесуде алмастыруға шыққан. Хаби Алонсо бастаған «Челси» бұл матчта 1:2 есебімен жеңіліске ұшыраған.
Осылайша жас қазақстандық футболшы дайындық кезеңінің өзінде-ақ шетелдік мамандар мен жанкүйерлердің назарын өзіне аударып үлгерді.
