Британдық UFC жауынгері Том Аспиналл промоушеннің ауыр салмақтағы чемпиондық белбеуінен ресми түрде бас тартты.
Аспиналлдың айтуынша, ол ұзақ уақыт бойы UFC-дің кеңесін ұстанып, қалпына келуге басымдық берген. Бірақ көзіндегі жарақатқа байланысты жағдай ушығып, октагонға шығу әзірге мүмкін болмай тұр.
«Мен ауыр салмақтағы чемпион титулын босату туралы шешім қабылдадым. Дивизионның дамуын тежегім келмейді. Басқа жауынгерлерге титул үшін күресуге мүмкіндік бергім келеді», — деді ол.
Ол UFC мен Хантер жағдайдан толық хабардар болғанын, дәрігерлер мен мамандармен бірге бірнеше медициналық тексеріс пен емдеу шарасы жүргізілгенін айтты. Соған қарамастан, қазіргі сәтте жекпе-жекке қайта оралу мүмкін болмаған.
Аспиналл мансабын аяқтаған жоқ екенін де атап өтті. «Мен арманымнан бас тартқан жоқпын. Денсаулығымды түзеп, дәрігерлер рұқсат берген сәтте қайта шығамын», — деді ол.
Аспиналл алғаш рет 2023 жылғы 11 қарашада UFC 295 турнирінде Сергей Павловичті бірінші раундта нокаутқа түсіріп, уақытша чемпион атанған еді. Кейін 2025 жылғы 21 маусымда Джон Джонс мансабын аяқтағанын мәлімдеген соң, Аспиналл ұйымның толыққанды чемпионы деп танылды.
