Қазақстанның бірінші ракеткасы, WTA рейтингінде 2-орында тұрған Елена Рыбакина АҚШ ашық чемпионатының финалына шықты.
Жартылай финалда ол әлемнің 4-ракеткасы, америкалық Кори Гауффпен кездесіп, 3:6, 6:4, 6:4 есебімен басым түсті.
Рыбакина турнир барысында бұған дейін америкалық Тея Фродинді, испаниялық Джессика Бусас Манейроны, украиналық Юлия Стародубцеваны, жапониялық Наоми Осаканы және қытайлық Чжэн Циньвэньді жеңген болатын.
Бұл — Елена Рыбакинаның US Open жарысындағы ең үздік нәтижесі. Бұған дейін оның Нью-Йорктегі ең жақсы көрсеткіші өткен жылғы 1/8 финал еді.
