UFC президенті Дана Уайт бұрынғы жеңіл салмақ чемпионы Илия Топурияның келесі қарсыласы ретінде екі спортшыны атап өтті. Оның сөзінше, Топурия үшін Джастин Гейджи де, Пэдди Пимблетт те өте лайықты нұсқа.
«Топурия жекпе-жекке дайын. Біз оның айқасын ұйымдастыруға дайынбыз. Гейджи мен Пимблетттің екеуі де маған ұнайды. Екеуі де мықты спортшы. Бұл екі жекпе-жектің қайсысы өтсе де, біз ұтылмаймыз. Екі айқас та керемет болар еді», — деді Уайт.
Ол әзірге нақты шешім қабылданбағанын да айтты. Уайттың айтуынша, Топурияның келесі қарсыласы кім болатыны жөнінде нақты жауабы жоқ, бірақ Гейджимен реванш та, Пимблеттпен кездесу де қызық өтуі мүмкін.
«Гейджимен реванш керемет болар еді. Ал Пэдди Пимблеттпен жекпе-жек те тамаша шығады. Өйткені олар бір-бірін өте қатты жек көреді», — деп қосты UFC басшысы.
Топурия 14 маусым күні Вашингтондағы Ақ үйдің Оңтүстік көгалында өткен UFC Freedom 250 (UFC White House) турнирінде жеңіл салмақ белбеуінен айырылды. Негізгі жекпе-жекте ол америкалық Джастин Гейджиге техникалық нокаутпен жеңіліп, мансабындағы алғашқы жеңілісіне ұшырады.
