Елордадалық "Номад"хоккей клубы Саян Даниярмен келісімшартқа отырды, деп Dopmedia.kz тілшісі хабарлайды.
25 жастағы хоккейші мансабының көп бөлігін "Барыста" өткізді.
"Номадқа" оралғанға дейін шабуылшы Pro Hokei Ligasy-да ойнайтын "Торпедо" және "Сарыарқа" командаларында өнер көрсетті. Өткен маусымның тұрақты чемпионатында Саян 49 ойын өткізіп, 32 (12+20) ұпай жинады және плей-оффтың 4 матчында 1 гол соқты.
Айта кетейік, Саян Данияр 2021 жылғы әлем чемпионатында Қазақстанның ұлттық құрамасы сапында өнер көрсеткен болатын.