Әлемнің 13-ракеткасы, Санкт-Петербургте дүниеге келгенімен, Қазақстан атынан өнер көрсететін Александр Бублик Монакода Ресейден шыққандарға көзқарас жақсы екенін айтты.
Теннисші бұл елде тек байлар мен қылмыскерлер емес, өз ісімен жүрген қарапайым адамдар да тұратынын атап өтті. Оның сөзінше, Монакодағы ортада өзін еркін әрі жайлы сезінеді.
«Маған ол жақтағы адамдар өте ұнайды. Барлығы қайдан келгенін, қайда тұрғанын және өзін қалай ұстау керек екенін жақсы түсінеді. Маған өте жағымды орта сияқты көрінеді», — деді Бублик.
Ол Монакодағы ахуалдың әлеуметтік жағдайға тікелей байланысты екенін жоққа шығармайды. Дегенмен, оның ойынша, мұнда тек ауқатты тұрғындар ғана емес, қоғамдық қызметте істейтін монегасктар да көп.
«Онда бәрі бай емес. Көп ақшасы бар резиденттер ғана ауқатты. Ал таксистер, консьерждер сияқты қарапайым жұмыс істейтін монегасктар да көп. Меніңше, бұл белгілі бір деңгейде байланысты шығар, бірақ аса қатты емес», — деді теннисші.
Бублик өзіне Питер де ұнайтынын айтып, екі қаладағы адамдардың да мейірімді екенін қоса өтті. Бұл пікірін ол Карен Адамянның YouTube-арнасындағы видеода білдірді.
