14-15 қарашаға қараған түні БАӘ атынан сынға түсетін Хамзат Чимаев америкалық Крис Вайдманмен кездеседі. Белдесу RAF Abu Dhabi турнирінде өтеді.
Жекпе-жек жартылай ауыр салмақта ұйымдастырылып, жеңімпазға RAF Crossover чемпиондық белбеуі табысталады. Кездесудің тікелей трансляциясы Қазақстан уақытымен шамамен 00:00-де басталады.
Бұл жекпе-жек бастапқыда Колби Ковингтонмен өтуі керек еді, алайда америкалық спортшы бас тартқан соң, оның орнына Крис Вайдман шықты.
Чимаевтың RAF лигасындағы соңғы кездесуі 23 қазанда өтті. Ол америкалық Робби Лоулерді техникалық басымдықпен жеңді.
Ал Крис Вайдман бұған дейін Real American Freestyle турнирлеріне қатыспаған. Ол алдағы жекпе-жекте промоушендегі дебютін жасайды.
