UFC чемпионы Петр Ян грузиялық файтер Мераб Двалишвилимен төртінші рет кездесу мүмкіндігі туралы пікір айтты.
Оның сөзінше, бәрі алдағы нәтижелерге байланысты. «Төртінші жекпе-жек пе? Әр салмақта өз айналым жүйесі бар, сондықтан бәрі Мерабтың алдағы уақытта жеңіске жете беруіне байланысты. Егер екеуміз де өнер көрсетіп, жеңе берсек, онда біздің қайта жүздесуімізге тура келеді. Бірақ оны көру үшін уақыт қажет», — деді Ян.
Сондай-ақ ол легчайший дивизионның ең мықты спортшылары туралы айтылып жүрген пікірге жауап берді. «Әр кезеңнің өз чемпиондары болады. Бір кезде Жозе Альдо болды, кейін Ти Джей Диллашоу үстемдік етті, Мераб та ұзақ уақыт бойы көш басында тұрды. Енді міне, чемпион менмін», — деп атап өтті ол.
Ян мен Двалишвили бұған дейін үш рет кездескен. Қарсыластықтағы жалпы есеп 2:1 есебімен ресейлік спортшының пайдасына шешіліп тұр.
Алғашқы айқас 2023 жылдың наурызында UFC Fight Night турнирінде өтіп, ол кезде Двалишвили төрешілердің бірауызды шешімімен жеңіске жеткен. Қайта кездесу 2025 жылдың желтоқсанында UFC 323 турнирінде ұйымдастырылып, Ян легчайший салмақтағы белбеуін қайтарып алды. 24 қазанда Абу-Дабиде өткен UFC 333 турнирінде де ол төрешілердің бірауызды шешімімен жеңіп, чемпиондық атағын сәтті қорғады.
