Будвада (Черногория) өтіп жатқан 19 жасқа дейінгі боксшылар арасындағы әлем чемпионатында қазақстандық Зарина Толыбай финалға жолдама алды.
80 килограмнан жоғары салмақта жұдырықтасқан Толыбай жартылай финалда Түркия өкілі Мирей Догрумен кездесті. Қазақстандық боксшы үш раунд бойы басымдық танытып, төрешілердің бір ауыздан шығарған шешімімен 5:0 есебімен жеңіске жетті.
Бірінші раундта төреші Догруға нокдаун санады. Осы жеңістің арқасында Толыбай әлем чемпионы атағы үшін финалда бақ сынайды.
Осылайша, Қазақстан бұл әлем чемпионатында екінші финалистін анықтады. Бұған дейін 70 килограмға дейінгі салмақта Бибарыс Аширбай жартылай финалда өзбекстандық Зулфикор Адхамжоновты ұтып, шешуші кезеңге өткен еді.
19 жасқа дейінгі боксшылар арасындағы әлем чемпионаты Будвада 16–27 қазан аралығында өтіп жатыр. Әйелдер бәсекесінде он салмақ дәрежесі қарастырылған, ал финалдық жекпе-жектер 27 қазанда өтеді.
