Лозандағы Спорттық арбитраж соты (CAS) ресейлік бапкер Александр Жулин мен мәнерлеп сырғанаушы Камила Валиеваның Халықаралық конькишілер одағының (ISU) шешіміне қарсы берген апелляциясын әлі қабылдаған жоқ.
CAS баспасөз қызметі:
«Қазіргі сәтте CAS Александр Жулиннен де, Камила Валиевадан да апелляция алған жоқ»деп мәлімдеді.
ISU 10 қыркүйекте Валиеваның енді жеке бейтарап спортшы ретінде халықаралық жарыстарға қатысу талаптарына сай келмейтінін хабарлаған болатын.
Қазан айында Жулин де РИА Новости агенттігіне ISU-дің өзіне бейтарап мәртебе беруден бас тартқан шешіміне шағымданатынын айтқан еді.
