Самарқандта өтіп жатқан 2026 жылғы Шахмат Олимпиадасында Қазақстанның әйелдер құрамасы жалпыкомандалық есепте екінші орынға көтерілді.
Алтыншы турда қазақстандық шахматшылар Әзербайжан құрамасын 2,5:1,5 есебімен ұтты. Жеңісті ұпайды Алуа Нұрман әкелді: ол қара фигурамен Гүнай Мамедзадені жеңді.
Қалған үш партия тең аяқталды. Бибісара Асаубаева Говхар Бейдуллаевамен, Меруерт Камалиденова Ханым Балажаявамен, ал Зарина Нұрғалиева Гүлнар Мамедовамен ұпай бөлісті.
Бұған дейін Қазақстан әйелдер құрамасы Ботсвана, Босния және Герцеговина, Словения, Армения және Германияны жеңген еді. Алты турдан кейін команданың қоржынында 12 ұпай бар, және қазақстандықтар турнир кестесінде жеке-дара екінші орында тұр.
Қазір тек Қазақстан мен Қытай ғана барлық матчта жеңіс сериясын сақтап келеді.
Сол турда Қазақстанның ерлер құрамасы да Колумбияны 3,5:0,5 есебімен тізе бүктірді.
