Қазақстандық жекпе-жек шебері Торғынбек Әмиров Челябіде өткен RCC x Gamebred турнирінде сәтті өнер көрсетті.
«Тор» лақап атымен танымал спортшы кулақпен өтетін айқаста ресейлік Леонид Чирковпен жұдырықтасты. Жекпе-жек ұзаққа созылмай, Әмиров қарсыласын бірінші раундта нокаутқа түсірді.
Осы нәтиженің арқасында Торғынбек Әмиров RCC Hard лигасының жеңіл салмақтағы чемпиондық белбеуін сәтті қорғап қалды.
«Тор» жеңіл салмақтың королі болып қала берді және RCC Hard чемпионы атағын сақтап қалды. Торғынбек Әмиров Леонид Чирковты бірінші раундта-ақ нокаутқа түсірді. Корпусқа тиген дәл соққыдан кейін үміткер жекпе-жекті жалғастыра алмады», — делінген промоушн мәлімдемесінде.
