UFC жеңілдетілген салмақ дәрежесінде (77 келіге дейін) чемпион атанған Ислам Махачевтің бапкері Хавьер Мендес шәкіртінің алдағы қарсыласы, ирландиялық Иан Гарри туралы пікір білдірді. Тараптар 16 тамызда UFC 330 турнирінде титул үшін кездеседі.
«Ол маған үлкен әсер қалдырды. Шынымды айтсам, мен бұрын Джек Делла Мадаленаны Исламның ең күрделі қарсыласы деп ойлайтын едім. Бірақ Гарриді көргенде, ол іс жүзінде жылдамырақ және барлық жағынан сәл жақсырақ екенін түсіндім. Менің ойымша, Гарри – Майкл Моралес пен Карлос Пратестен де жан-жақты күрескер. Дегенмен бұл жігіттердің бәрі де талапкерлер қатарында тұр», – деді Мендес.
Бапкер Гарридің қауіпті қарсылас екенін атап өтіп, оны бағаламай қалуға болмайтынын алға тартты. «Ол – қатерлі қарсылас. Оны еш уақытта жеңіл санамауымыз керек. Исламның да оны жеңіл санамайтынын білемін, өйткені ол ешқашан ондай қателік жібермейді. Ислам өзінің ең мықты тұсын көрсетеді – қажет жерінде қарсыласын аяусыз қажайды», – деп қосты ол.
Хавьер Мендестің бұл сөздері MMA Fighting порталында жарияланды. Ислам Махачев пен Иан Гарри арасындағы титулдық жекпе-жек UFC 330 турнирінің басты жекпе-жегі болады.
