Жеті мәрте «Үлкен шлем» турнирлерінің чемпионы, әлемдік рейтингте екінші орындағы испан теннисшісі Карлос Алькарас АҚШ-тың Цинциннати қаласында өтетін «Мастерс» сериясындағы турнирге қатыспайтын болды. Жарыс 13 тамызда басталады.
Алькарас бұл турнирдің қолданыстағы чемпионы болып саналады, алайда енді өз титулын қорғай алмайды.
«Карлостың жарыстарға мүмкіндігінше тезірек оралуға барын салып жатқанын білеміз. Чемпионымызға сәттілік тілейміз. Келесі жылы оны алаңда қайта көруге асыға күтеміз», — делінген турнир баспасөз қызметінің мәлімдемесінде.
Бұған дейін 23 жастағы спортшы Барселона, Мадрид, Рим, Монреаль, Лондонда өткен турнирлерден бас тартып, білезігіндегі жарақатқа байланысты «Ролан Гаррос» пен Уимблдон турнирлерінен де шығып қалған болды.
Испан теннисшісі 2026 жылдың сәуірінен бері корт алаңына шықпаған.
