Ұлы шлем турнирлерінің 23 дүркін чемпионы Серена Уильямс пен жеті рет Ұлы шлем чемпионы атанған оның апасы Винус Уильямс АҚШ-тың Цинциннати қаласында өтетін «Мастерс» турнирінде жұптық разрядта бірге бақ сынайды.
Апалы-сіңлілі теннисшілер турнирге арнайы шақыру картасы (уайлд-кард) арқылы қатысу құқығына ие болды. Сонымен қатар Винус Уильямс жалғыздар разрядында да ойнауға шақырылды.
Қазіргі таңда Серена Уильямс 44 жаста, ал оның апасы Винус Уильямс 46 жаста. Бұған дейін екеуі 2026 жылғы Уимблдонда бірге ойнауды жоспарлаған еді, алайда Серена тізе жарақатына байланысты турнирден бас тартуға мәжбүр болды. Атап өтерлігі, Цинциннати турнирі Винус Уильямс үшін мансабын қайта жаңғыртқаннан кейінгі алғашқы жарыс болмақ.
Цинциннатидегі «Мастерс» турнирі 13 тамыздан 23 тамызға дейін өтеді.
