Украиналық UA-Футбол спорттық басылымы Еуропа Чемпиондар лигасының үшінші іріктеу кезеңіндегі софиялық «Левски» мен алматылық «Кайрат» арасындағы бірінші матчқа қатысты өз күтулерін бөлісті.
Басылымның болжамында «Левскидің» соңғы 14 матчта жеңіліс көрмегені, оның сегізі жеке стадионында өткені атап көрсетілген. Сонымен қатар болгар клубының соңғы 11 кездесуі қарсылас қақпасына соққан голмен аяқталғаны айтылады. Сарапшылар «Левскидің» өте жақсы формада тұрғанын және өз алаңының артықшылығына ие болғанын атап өтті.
«Кайрат» жайлы айтылғанда, команданың ішкі чемпионат барысында жақсы жүрісте екені, бірақ бұл алматылықтардың шаршауына әкелуі мүмкін екені ескертілген. Сонымен бірге шығармашылық ойыншы Жоржиньоның жоқтығы да қосымша қиындық ретінде аталады. UA-Футболдың мәліметінше, соңғы 15 матчының (барлық турнирлер бойынша) тек екеуінде «Кайрат» гол соғу мүмкіндігінен айырылған.
«„Левски“ не проигрывает 14 матчей подряд, из них 8 — на домашнем стадионе. „Кайрат“ на ходу, но это может сыграть злую шутку с алматинцами — усталость. Шанс забить гол у „Кайрата“ есть. Но фаворит первого матча, все-таки, „Левски“», — говорится в прогнозе.
Басылым Рафаэль Уразбахтин басқаратын «сарғыш-қара» ұжымның күшті күрескерлік мінезге ие екенін мойындайды, дегенмен бірінші кездесуде басымдықты «Левскиге» береді.
Екі команданың алғашқы матчы 4 тамызда Софиядағы «Георги Аспарухов» стадионында өтеді. Ойын қазақстан уақыты бойынша сағат 22:30-да басталады. Жауап сапары 11 тамызда Түркістанда өтеді — кездесу Алматыдағы Орталық стадионда Канье Уэсттің концерті өтетінінің салдарынан осы қалаға көшірілген.
