«Ордабасының» украиналық жартылай қорғаушысы Юрий Вакулко бұрынғы «Житомир Полесьесінің» ойыншысы Алексей Гуцуляктың клубқа ауысуына қатысты пікір білдірді.
Вакулконың айтуынша, Гуцуляк келісімшартқа қол қоймай тұрып-ақ Шымкентке келіп, клуб басшылығымен кездескен және команда жай-күйімен танысқан. Сол кезде екі ойыншы қысқаша сөйлесіп, Вакулко оған клубқа қатысты кейбір жайттарды түсіндіріп берген.
«Мүмкін, қазір украиналық жанкүйерлерге бұл ауысым тосын көрінетін шығар. Бірақ егер „Ордабасы“ жазда Гуцулякпен бірге Чемпиондар лигасының негізгі кезеңіне өтсе, бәрі бұған басқаша қарайды деп ойлаймын», — деді ол.
Вакулконың сөзінше, клуб иелері өте жоғары мақсат қойып отыр және сол межеге жету үшін Гуцуляк деңгейіндегі футболшылар қажет.
Гуцуляк Қазақстан чемпиондары сапына қосылғаннан кейін КПЛ-дегі ең қымбат ойыншыға айналды. Transfermarkt мәліметі бойынша, оның нарықтық құны 3 миллион еуроға бағаланған.
