Қостанайдың «Тобол» футбол клубы екі кездесудің жиынтық есебі бойынша литвалық «Панявежис» командасынан басым түсіп, Еуропа лигасы конференциясының үшінші іріктеу раундына жолдама алды.
Мирослав Ромащенко жаттықтырушылық ететін команда бұл кезеңде «Партизан» (Сербия) мен «УНА Штрассен» (Люксембург) жұбының жеңімпазымен кездеседі. Белградта өткен алғашқы кездесуде сербиялық клуб қарсыласын 4:0 есебімен ойсырата жеңген болатын. Жауап сапары бүгін Люксембургте өтеді, матч қазақстандық уақыт бойынша сағат 23:15-те басталады.
Еске сала кетейік, «Тобол» жаңа еуракубоктық маусымды Лига конференциясының екінші іріктеу раундынан бастаған еді. Сондай-ақ Қазақстанды еуракубоктарда тағы бір клуб — алматылық «Қайрат» — Лига чемпионатының үшінші раундына шығып, лайықты түрде таныстырып отыр.
