«Манчестер Сити» мен Мадридтің «Реалы» клубтың жартылай қорғаушысы Родридің трансфері бойынша тікелей келіссөздер жүргізуде. Ағылшын клубы 30 жастағы ойыншыны 75 миллион еуроға бағалап отыр.
«Сливочниктер» деп аталатын испан клубы Родри үшін 50 миллион еуродан астам қаражат жұмсауға дайын. Футболшының өзі де «Корольдік клубқа» ауысуға қызығушылық танытып отыр.
Бұл туралы Sky Sport Germany журналисі Патрик Бергер өзінің X әлеуметтік желісіндегі парақшасында хабарлады.
Родри «Реалмен» жеке келісімшарт шарттарын келіскен деген ақпарат бұрын да БАҚ-та жарияланған болатын.
Өткен маусымда Родри барлық турнирлерде 33 матчқа шығып, екі гол соққан. Ойыншының «Манчестер Ситимен» қолданыстағы келісімшарты 2027 жылдың жазына дейін жарамды.
Transfermarkt порталының мәліметінше, футболшының нарықтық құны қазіргі таңда 50 миллион еуроны құрайды.
