Лондон Олимпиадасының чемпионы Серік Сапиев Baige News YouTube арнасына берген сұқбатында аса ауыр салмақтағы боксшы Қамшыбек Қоңқабаевтың болашағына қатысты пікір білдірді, деп хабарлайды Dopmedia.kz.
Бұған дейін бокс ұлттық құраманың бас бапкері Қайрат Сәтжанов қазақстандық боксшының 92 кг дейінгі салмақ дәрежесіне ауысуы мүмкін екенін айтқан болатын.
"Мен Қамшыбек өзінің салмағында қалғанын қалаймын. Кем дегенде бір-екі жылға. Неліктен? Себебі, бәсекелестік керек. Бәсекелестік кезінде боксшылар керісінше өседі. Қазақстан боксының аса ауыр салмақ дәрежесіне бәсекелестік керек", – деді Серік Сапиев.
Еске сала кетейік, Қамшыбек Қоңқабаев Париж Олимпиадасының алғашқы жекпе-жегінде 1/8 финал кезеңінде жеңіліс тапқан еді.
