Хоккейден 20 жасқа дейінгі Ресей құрамасы Санкт-Петербургте өтіп жатқан «Болашақ кубогының» алғашқы ойынында 18 жасқа дейінгі Ресей командасын 10:3 есебімен ойсырата жеңді.
Кездесу «Юбилейный» спорт кешенінің мұз айдынында өтті. Осы нәтижеден кейін Ресей U-20 турнирдегі формасын айқын көрсетті.
Аталған жарысқа төрт команда қатысып жатыр: Қазақстан, Беларусь, Ресейдің жастар құрамасы және Ресейдің 18 жасқа дейінгі құрамасы.
Қазақстан турнирдегі алғашқы матчында Беларусьтен 3:5 есебімен жеңілген болатын.
Енді қазақстандық хоккейшілер 7 қарашада Ресей U-20 құрамасымен кездеседі. Ойын Қазақстан уақытымен 19:00-де басталады.
Турнирдегі соңғы матчын Қазақстан 8 қараша күні Ресей U-18 командасына қарсы өткізеді. Бұл кездесу сағат 15:00-де басталады.
