Өзбекстандық Олимпиада чемпионы Диёра Келдійорова Қазақстанда өткен халықаралық дзюдо турнирінде жеңімпаз атанды. Ол Ақтаудағы Aktau Asian Open 2026 жарысында алтын медаль жеңіп алды.
Келдійорова 52 келіге дейінгі салмақ дәрежесінде сынға түсті. Турнирдің ширек финалында ол қазақстандық Нурайлым Сарсенбекті жеңді, ал жартылай финалда тағы бір қазақстандық балуан Гүлхан Шыңғысханнан басым түсті.
Ақтық белдесуде өзбекстандық спортшы Әзербайжан өкілі Фарида Мирзаяеваны ұтып, жарыстың бас жүлдесін иеленді. Бұл Келдійорова үшін балалы болғаннан кейінгі алғашқы халықаралық жарыс болды.
Еске салайық, Диёра Келдійорова 2024 жылғы Париж Олимпиадасында да 52 келіге дейінгі салмақта алтын медаль алған. Ол финалға дейінгі жолда жапониялық Ута Абені сенсациялық түрде жеңіп, шешуші кездесуде Косово спортшысы Дистриа Красничиден басым түскен еді.
Осылайша, Келдійорова дзюдодан Өзбекстанның тарихындағы алғашқы Олимпиада чемпионы атанған спортшы ретінде тағы бір ірі табысқа қол жеткізді.
