Қос Олимпиада чемпионы Элиуд Кипчоге Мельбурн марафонында курс рекордын жаңартып, 41 жасында да «денем әлі де шарықтау шегінде» екенін айтты. Кениялық желаяқ қашықтықты 2 сағат 9 минут 10 секундта жүгіріп өтіп, осы аралықтағы 17-жеңісіне қол жеткізді.
Бұл оның 2023 жылғы Берлин марафонынан бергі алғашқы жеңісі болды. Кипчоге әлемдік марафондар сериясындағы 12-жеңісін де тіркеді.
«Менің денем әлі де шарықтау шегінде деп ойлаймын — келесі буынмен бәсекелесуге әлі де қауқарлымын», — деді Кипчоге. «Жасы үлкен спортшы әлі де жарысып жүр, бірақ мен Gen Z өкілдерімен бірге жүгіруге қуаныштымын».
Жарыс жолының бір бөлігі Австралиядағы «Формула-1» трассасы — «Альберт-Паркте» өтті, ал мәресі әйгілі «Мельбурн Крикет Граунд» аренасында аяқталды. Кипчоге стадион ішіне кіргенде жанкүйерлерге қол бұлғап, сәл баяулады.
«Жол бойында адамдардың тұрып алып, қол соғып, атымды атап айқайлағаны керемет әсер қалдырды», — деді ол. «Бұл жарыс шынымен де ерекше болды: әдемі трасса, «Формула-1» жолы және бәрінен бұрын крикет алаңында мәреге жету. Мен жас буынмен бірге жүгіріп, Мельбурндегі жүгіру қауымдастығына шабыт беріп жүргеніме мақтанамын».
Ерлер арасында австралиялық Томас до Канто 2:10:35 нәтижемен екінші орын алды, ал оның отандасы Рис Эдвардс үшінші келді. Әйелдер бәсекесінде Жаңа Зеландия өкілі Камилла Френч 2:28:25 уақытпен жеңіске жетті. Одан кейін австралиялық Синед Дайвер мен Ирландиядан Николa Шеридан мәреге жетті.
