Қазақстандық жеңіл атлет Аяна Болатбекқызы Жапонияда өтіп жатқан Азиада-2026 кезінде допинг сынамасынан өте алмады.
Халықаралық допинг-тестілеу агенттігі таратқан мәліметке сәйкес, спортшының сынамасынан дростанолон метаболиті — 3α-гидрокси-2α-метил-5α-андростан-17-он анықталған. Бұл зат тыйым салынған бейспецификалық заттар қатарына жатады.
Спортшыға бұл іс бойынша ресми түрде хабар беріліп, ол дереу уақытша шеттетілді. Тергеу аяқталғанға дейін оған жарысқа қатысуға, жаттығуға, бапкерлік қызметпен айналысуға және кез келген өзге де спорттық іске араласуға тыйым салынады.
Аяна Болатбекқызы 26 қыркүйекте 1500 метрге жүгірудің финалында 10-орын алған. Ал келесі күні 800 метр қашықтықтағы іріктеуде 12-нәтиже көрсетіп, финалға шыға алмады.
Азиада-2026-дағы бұл жағдай Қазақстан спортындағы маңызды допинг дауының бірі болып отыр.
