UFC-дің бұрынғы орта салмақтағы чемпионы Хамзат Чимаев келесі кездесуін америкалық Бо Никалға қарсы өткізуі мүмкін. Жекпе-жек Сауд Арабиясының Эр-Рияд қаласында өтетін турнир аясында жоспарланып отыр.
Айқас 5 желтоқсанда UFC Saudi Arabia турнирі шеңберінде ұйымдастырылуы ықтимал. Бұл кездесу кештің басты жекпе-жегі атануы да мүмкін.
Чимаев UFC-дегі соңғы кездесуін 10 мамырда Ньюаркта (АҚШ) өткен UFC 328 турнирінде өткізді. Ол бес раундқа созылған жекпе-жекте америкалық Шон Стриклендтен төрешілердің бөлінген шешімімен жеңіліп, орта салмақтағы чемпиондық белдігінен айырылды.
Ал Бо Никал соңғы рет 14 маусымда Вашингтондағы Ақ үйдің оңтүстік көгалында өткен UFC Freedom 250 турнирінде октагонға шықты. Ол бірінші раундта техникалық нокаутпен жеңіске жетіп, америкалық Кайл Докосты тоқтатты.
