АҚШ-тың Калифорния штатындағы Лос-Анджелес қаласында өткен UFC 331 турнирінде жеңіл салмақтың чемпиондық белбеуі сарапқа салынды. Бұл кездесуде Мьянма өкілі Джошуа Ван бразилиялық Алешандре Пантожамен қолғап түйістірді.
Бес раундқа жоспарланған жекпе-жек толық қашықтыққа созылды. Нәтижесінде Ван төрешілердің бірауыздан шығарған шешімімен жеңіске жетті — 49-46, 48-47, 50-45.
Осылайша, Джошуа Ван кәсіби мансабындағы 18-жеңісіне қол жеткізіп, чемпиондық атағын сақтап қалды. Алешандре Пантожа болса жетінші рет жеңіліс тапты.
Бұл екі спортшының алғашқы кездесуі желтоқсанда өткен еді. Ол кезде бразилиялық файтер 26-секундта жарақат алып, жеңіс қарсыласына берілген болатын.
Жеңіл салмақта UFC-де Қазақстан намысын Асу Алмабаев қорғап жүр. Қазіргі таңда ол рейтингте бесінші орында тұр.
