Танзаниялық шабуылшы Клара Луванга Сауд Арабиясының «Әл-Наср» клубынан АҚШ-тың «Вашингтон Спирит» командасына ауысты. Бұл келісім әйелдер футболы тарихындағы ең қымбат трансферлердің бірі ретінде бағаланып отыр.
Алайда ауысым құны ресми түрде жарияланған жоқ. Кейбір дерекке сүйенсек, сома 2,3 миллион долларды, яғни шамамен 1,7 миллион фунт стерлингті құрауы мүмкін. Егер бұл мәлімет расталса, Луванга әйелдер футболы тарихындағы ең қымбат ойыншы атанар еді.
21 жастағы шабуылшы «Вашингтон Спиртпен» 2029 жылғы NWSL маусымының соңына дейін жарамды келісімшартқа қол қойды. Егер айтылып жүрген сома рас болса, онда бұл 1,4 миллион фунттан да асып түседі. Бұған дейін Лондон Сити Лайонессес «Пари Сен-Жерменнен» Грейс Гейороны алғаны жайлы дерек тараған еді, бірақ ол сома да даулы күйінде қалып отыр.
Луванганың ауысуымен ол NWSL тарихындағы алғашқы танзаниялық футболшы болды. Ол «Әл-Насрда» өткізген үш маусымының бәрінде Сауд Арабиясының әйелдер премьер-лигасын ұтып, Сауд Арабиясы әйелдер кубогын, суперкубогын және Батыс Азия футбол федерациясы әйелдер клубтар чемпионатын да жеңіп алды.
Өткен маусымда Луванга 14 ойында 24 гол соғып, лиганың сұрмергені атанған. «Вашингтон Спирит» құрамында тағы жеті африкалық ойыншы бар, сондықтан жаңа шабуылшы командадағы африкалық легионды толықтыра түсті.
Луванга 2024 жылы Танзания құрамасында ересектер деңгейінде дебют жасады. Бұған дейін ол 2023 жылы Испанияның «ДУХ Логроньо» командасында ойнап, мансабын туған еліндегі «Янга Принцесс» жүйесінен бастаған болатын.
«Мен “Вашингтон Спиритке” қосылғаныма өте қуаныштымын және NWSL-дегі осы жаңа сынақты қабылдауға дайынмын. Маусым жүріп жатқан кезде келіп отырмын, бірақ жаңа лигада және жаңа елде ойнауға қатты қуанып тұрмын».
«Клара шабуылға тың серпін қосады. Жас болса да, ол түрлі тәсілмен гол соға алатынын дәлелдеді және бұл лигада табысты болуға қабілеті бар».
Луванганың «Әл-Насрдағы» кезеңі оның мансабындағы бетбұрысқа айналды. Сол клубта ол Португалия жұлдызы Криштиану Роналдумен де бір ортада болды. Танзаниялық шабуылшы бұған дейін өз мансабында Роналдудың табандылығы мен тәртібін үлгі ететінін айтқан.
