«Ахматтың» бас бапкері Станислав Черчесов Мәскеудің «Динамосынан» Ресей кубогында ауыр жеңіліс тапқаннан кейін командасының ойынына баға берді.
Черчесовтің айтуынша, бұл кубок матчы болғанымен, оның ойыншыларынан кубокқа тән жігер көрінбеген. Ол «Динамоның» жеңісі заңды екенін мойындап, алайда өз командасының да есепті өзгертуге мүмкіндік алғанын атап өтті.
«Бүгін Ресей кубогының матчы өтті, бірақ мен өз командамнан кубоктық мінез көрмедім. Меніңше, „Динамо“ лайықты жеңіске жетті. Дегенмен мұндай ойындарда да ұпай алып қалуға болады: бізде ойынды бұрып жіберуге мүмкіндік берген сәттер болды. Өкінішке қарай, нағыз голдық екі мүмкіндікті пайдалана алмадық. „Динамоны“ жеңісімен құттықтаймын, олар мықты болды», — деді Черчесов.
Бұл ойында «Ахмат» сапында Қазақстан құрамасының футболшылары Максим Самородов пен Ғалымжан Кенжебек те өнер көрсетті. Самородов негізгі құрамда шығып, матчты толық өткізді.
Кенжебек те кездесуді алғашқы минуттардан бастады, алайда 36-минутта сары қағаз алып, үзілісте алаңнан шықты.
