Карен Хачанов US Open-2026-де Феликс Оже-Альяссимді ұтты
ATP рейтингінде 50-сатыдағы Карен Хачанов US Open-2026 турнирінің екінші айналымында әлемнің 4-ракеткасы Феликс Оже-Альяссимді сенсациялық түрде жеңді. Кездесу 3 сағат 20 минутқа созылып, Хачанов үш сет қатарынан басым түсті.
ATP рейтингінде 50-орында тұрған ресейлік теннисші Карен Хачанов US Open-2026 жарысының екінші айналымында канадалық Феликс Оже-Альяссимді ұтып, ірі сенсация жасады.
Матч 6:7(5:7), 6:3, 6:2, 6:2 есебімен Хачановтың пайдасына аяқталды. Кездесу 3 сағат 20 минутқа созылды.
Турнирде үшінші нөмірлі болып тіркелген Оже-Альяссим алғашқы сетте тай-брейкте жеңіске жеткенімен, одан кейін ойын тізгінін толықтай Хачанов өз қолына алды.
Ол қатарынан үш партияны ұтып, қарсыласына сол аралықта бар болғаны жеті гейм ғана берді.
US Open-нің үшінші айналымында Хачанов француз Бенжамен Бонзи мен перулік Игнасио Бусе арасындағы матчтың жеңімпазымен кездеседі.