Ресейлік файтер Ислам Махачевтің бапкері Хавьер Мендес шәкіртінің октагонға қай уақытта қайта шығуы мүмкін екенін мәлімдеді.
Мендестің айтуынша, Махачев Рамазанға дейін тағы бір жекпе-жек өткізуді қалайды. Сондықтан оның келесі айқасы биылғы жылдың соңына қарай өтуі де мүмкін.
«Мүмкін. Желтоқсандағы турнирден бастап бәрі мүмкін — егер UFC желтоқсанға күн ұсынса, ал Ислам соған келіссе. Мен қарсылас туралы айтып отырған жоқпын, өйткені Исламға кім ұсынылса, сонымен айқасады», — деді Хавьер Мендес.
Ислам Махачев соңғы жекпе-жегін 16 тамызда өткізіп, ирландиялық Иэн Гэрриді төрешілердің бір ауыздан шешімімен жеңген еді. Осы нәтижеден кейін ол UFC-дің жартылай орта салмақтағы чемпионы атағын қорғап қалды.
