Қазақстан Премьер-лигасының 24-турындағы соңғы матчта семейлік «Елімай» алматылық «Қайратты» қабылдады. Ойын Семейдегі «Спартак» стадионында өтіп, кездесуге усть-каменогорлық Александр Затула бастаған төрешілер бригадасы қызмет етті.
Қос команда алаңға мынадай құраммен шықты: «Елімай» — Коновалов, Танасиевич, Беланчич, Миттендорфер, Москера, Тюлюбай, Илич, Бахтияров, Плакка, Шина, Мурильо; «Қайрат» — Анарбеков, Мата, Широбоков, Мартынович, Тапалов, Оксанен, Мендонса, Мрынский, Юккола, Эдмилсон, Гуаль.
Бірінші таймда алаң иелері белсенді көрінгенімен, қауіпті шабуылдарды көбірек ұйымдастырған «Қайрат» болды. Қонақтар 32-минутта Марк Гуальдің айып алаңының ортасынан бағыттаған дәл соққысынан кейін есеп ашты.
Арада үш минут өткенде Луиш Мата допты қақпаның жоғарғы бұрышына дәл бағыттап, есепті 2:0-ге жеткізді. Екінші тайымда ойын екі қақпаға да алма-кезек өрбіді, алайда 75-минутта Александр Широбоков қызыл қағаз алып, «Қайрат» бір ойыншымен азайды.
Соңына дейін басымдығын сақтап қалған алматылықтар жеңісті уысынан шығармады. Кездесу 0:2 есебімен аяқталды.
Осы нәтижеден кейін «Қайраттың» ұпайы 51-ге жетті. Команда көш бастап тұрған шымкенттік «Ордабасыдан» төрт ұпайға қалып келеді, бірақ бір ойыны артық. «Елімай» 32 ұпаймен турнир кестесінің алтыншы сатысында тұр.
«Елімай» — «Қайрат» 0:2 (0:2). Голдар: Гуаль 32 (0:1), Мата 35 (0:2). Қызыл қағаз: Широбоков 75.
