Әлемдік теннистің жұлдызы Новак Джокович АҚШ ашық чемпионатының бірінші айналымында аргентиналық Мариано Навонеге есе жіберді. Серб спортшысы матчқа 5-орынмен, ал Навоне 49-орынмен шыққан еді.
Кездесу ауыр тартыспен өтіп, бес сетке созылды. Нәтижесінде Джокович 6:7 (5:7), 7:5, 6:4, 2:6, 1:6 есебімен жеңіліп қалды.
Ойынның жалпы ұзақтығы 4 сағат 40 минут болды. Осылайша, 24 мәрте «Үлкен дулыға» турнирлерінің чемпионы атанған Джокович US Open жарысын ерте аяқтады.
Ал Мариано Навоне екінші айналымға өтті. Онда ол Италия өкілі Маттео Берреттини мен Швейцария теннисшісі Стэн Вавринка арасындағы кездесудің жеңімпазымен кездеседі.
Айта кетейік, АҚШ ашық чемпионатының жеңімпазы 5 500 000 доллар табыс тауып, 2000 рейтинг ұпайына ие болады.
