Қазақстандық боксшы Еркебұлан Тоқтар Астанада өткен International Boxing Day кешінде өзбекстандық Бобиржон Исроиловты мерзімінен бұрын жеңді.
Қос боксшы IBA Nomad лигасының турнирінде суперорта салмақта кәсіби бокс ережесімен кездесті. Тоқтардың бұл айқасқа дейінгі көрсеткіші 2-0, 2 нокаут болса, Исроилов 1-0, 1 нокаут нәтижесімен келген.
Жекпе-жек толық қашықтыққа созылған жоқ. Екінші раундта Еркебұлан Тоқтар техникалық нокаутпен жеңіске жетті.
Осылайша, бұл нәтиже Тоқтардың кәсіпқой рингтегі үшінші жеңісі болды. Ал Бобиржон Исроилов мансабындағы алғашқы жеңілісіне ұшырады.
