Қазақстандық шахматшы Бибісара Асаубаева 10-21 қараша күндері Венгрия астанасы Будапештте өтетін пилоттық Total Chess World Championship Tour турнирінде ойнайды.
Жарысты ұйымдастырушылар қазірдің өзінде 24 қатысушының 18-інің есімін жариялады. Солардың қатарында әлемдік рейтинг көшбасшысы Магнус Карлсен, Фабиано Каруана, Винсент Каймер, Уэсли Со, Аниш Гири, Нодирбек Абдусатторов, Арджун Эригайси, Алиреза Фирузджа, Рамешбабу Прагнанандха, Ян-Кшиштоф Дуда, Рихард Раппорт, Ханс Ниманн, Ян Непомнящий, Максим Вашье-Лаграв, Гайк Мартиросян, Владислав Артемьев және үндістандық Рамешбабу Вайшали бар.
Турнирге барлығы 24 гроссмейстер қатысады. Қалған алты орынның иелері алдағы уақытта анықталады.
Шахматшылар блиц, рапид және Fast Classic деп аталатын жылдам классика форматтарында бақ сынайды. Жеңімпаз үш тәртіптің қорытындысындағы жалпы ұпай бойынша анықталады.
Norway Chess пен FIDE ұйымдастырып отырған бұл жарыс бір ерлер мен әйелдер арасындағы бөлініссіз, ең әмбебап шахматшыны анықтауды мақсат етеді. Турнирде FIDE World Combined Champion атағы сарапқа салынады.
