UFC-дің бұрынғы қос салмақ дәрежесіндегі чемпионы Генри Сехудо жартылай орта салмақтағы қазіргі чемпион Ислам Махачевтің келесі айқастары туралы ойын айтты. Ол Махачевтің Иэн Мачадо Гэрриді жеңгенінен кейін ресейлік спортшыға қарсы шығуы мүмкін екі боксшыны атады.
Сехудоның айтуынша, дәл қазір Махачевті жеңетін боксшы жоқ. Дегенмен ол Исламның Майкл Моралес пен Камару Усманмен кездескенін көргісі келетінін жасырмады.
«Қазір әлемде Исламды ешкім жеңе алмайды. Бірақ мен Махачевтің Моралес пен Усманға қарсы жекпе-жектерін көргім келеді. Маған Карлос Пратес те ұнайды, ол бәлкім чемпиондық мүмкіндік алады. Алайда Махачевке шынайы сынақ ұсынғыңыз келсе, оған рекорды 19-0 болып тұрған жеңіліссіз Моралесті беріңіз», — деді Сехудо Helen Yee Sports арнасына берген сұхбатында.
Махачев пен Гэрри 16 тамыз күні АҚШ-тың Филадельфия қаласында өткен UFC 330 турнирінде кездесті. Жекпе-жек нәтижесінде Ислам төрешілердің бір ауыздан шығарған шешімімен жеңіске жетіп, чемпиондық белдігін сақтап қалды.
Қазір Махачевтің еншісінде 29 жеңіс және 1 жеңіліс бар. Ал ирландиялық спортшының көрсеткіші — 17 жеңіс пен 2 жеңіліс.
