WTA рейтингінде екінші орын иеленетін қазақстандық теннисші Елена Рыбакина Канадада өтіп жатқан Торонто турнирінің жартылай финалына жолдама алды. Ол осы кезеңде әлемнің төртінші ракеткасы америкалық Кори Гауффпен бетпе-бет келеді.
Кездесу қазақстандық уақыт бойынша бейсенбіде, таңғы 05:30-да басталады. Жартылай финалдағы жеңімпаз финалда украиналық Элина Свитолина мен поляк теннисшісі Ига Швентек арасындағы сынақтың жеңімпазымен ойнайды.
Жартылай финалға жету жолында Рыбакина австралиялық Дарья Касаткинадан, америкалық Энн Лиден, ресейлік Людмила Самсонованың, сондай-ақ жапон теннисшісі Наоми Осакадан күшті болды. Ал Гауфф өз кезегінде америкалық Кейла Дейден, гректік Мария Саккаридан, ресейлік Алина Корнеевадан асып түсті, ал швейцариялық Белинда Бенчич жарақат себебінен матчтан бас тартқан.
Торонто турнирі 2-13 тамыз аралығында өтіп жатыр. Жарыстың жалпы жүлде қоры 7 433 076 доллар құрайды, ал жалғыз ойындар түрінде жеңіске жеткен теннисші 1 085 220 доллар және рейтингке 100 ұпай иеленеді.
