Швецияда Ресейдің әлемдік хоккейден тағы шеттетілуіне пікір білдірді
Швецияның Expressen басылымы Халықаралық хоккей федерациясының Ресей құрамасын 2027 жылғы әлем чемпионатына және басқа да турнирлерге жібермеу туралы шешіміне байланысты мақала жариялады.
Швецияның Expressen басылымы Халықаралық хоккей федерациясы (IIHF) Ресей құрамасын 2027 жылғы әлем чемпионатына жіберуден бас тартқаны туралы жазды.
«Ресейлік спортшылар әлемдік спортқа қайта оралуда. Биыл ХОК шешімі бойынша елдің барлық спортшысы 2028 жылғы Олимпиада ойындарына қатыса алады. Бірақ хоккей әлемінің есігі олар үшін, ең болмағанда ұлттық құрама тұрғысынан, жабық күйінде қалып отыр», — деп жазды Expressen.
Басылымның мәліметінше, Ресей хоккей одағы келесі маусымнан бастап ұлттық құраманы турнирлерге қатыстыруға рұқсат сұрап өтініш берген. Дегенмен IIHF бұл өтінішті қабылдамады. Федерацияның мәлімдемесінде кеңес әрбір чемпионатты қауіпсіздік, іс жүзінде орындалу мүмкіндігі және жарыстардың тұтастығын ескере отырып жеке-жеке қарастырғаны айтылады.
Ресей ерлер арасындағы әлем чемпионатынан, жастар арасындағы әлем чемпионатынан, сондай-ақ жасөспірімдер мен қыздар арасындағы жүлделі жарыстардан шеттетілді. Әйелдер арасындағы әлем чемпионаты бойынша шешім кейінірек қабылданбақ.
Ресей хоккей федерациясы IIHF-тің бұл ұстанымын мойындамайтынын және түсінбейтінін мәлімдеді. Федерация өкілдері бұл шешімнің ХОК ұсыныстарын елемейтінін және спорттың бүкіл әлем адамдарын біріктіру идеясына қайшы келетінін айтып, мәселені Спорттағы төрелік сотқа (CAS) шағымдануды жоспарлап отыр.
Сондай-ақ Expressen Беларусь та ерлер арасындағы әлем чемпионаты мен жастар первенствосына жіберілмейтінін хабарлайды, бірақ бұл шешім әйелдер құрамасы мен жасөспірімдер турнирлеріне қатысты емес.