Хамзат Чимаев UFC-дің экс-чемпионымен күрес жарысында кездеседі
UFC-дің орта салмақ дәрежесіндегі бұрынғы чемпионы Хамзат Чимаев жартылай орта салмақтағы экс-чемпион Тайрон Вудлимен күрес жарысында бетпе-бет келеді. Бұл туралы Real American Freestyle баспасөз қызметіне сілтеме жасап Sports.kz хабарлады.
UFC-дің орта салмақ дәрежесіндегі бұрынғы чемпионы Хамзат Чимаев жартылай орта салмақ дивизионының экс-чемпионы Тайрон Вудлимен күрес жарысында сынға түседі. Кездесу 5 қыркүйекте Мәскеуде өтеді және RAF Moscow турнирінің басты жекпе-жегі болмақ.
Ұйымдастырушылардың ресми сайтында Чимаев пен Вудлидің бетпе-бет келуі аралық салмақ санатындағы жекпе-жек ретінде көрсетілген. Бұл турнир Real American Freestyle ұйымы үшін Ресейдегі алғашқы ойын-сарын болмақ.
Чимаевтың америкалық күрес лигасында тәжірибесі бар. RAF 10 турнирінде ол Диллон Дэнисті небәрі 44 секундта партерге түсіріп, ұстау арқылы жеңіске жетті. Бұл ұйымның ең жылдам ұстау рекорды болды. Жекпе-жек аяқталғаннан кейін спортшылардың командалары арасында үлкен төбелес шығып кеткен еді.
32 жастағы Чимаев кәсіби аралас жекпе-жекте 15 жеңіс жинап, бір рет жеңіліске ұшыраған. 2025 жылдың тамызында ол Дрикус дю Плессиді жеңіп, UFC-дің орта салмақ дәрежесіндегі чемпион атанды. Алайда 2026 жылдың мамырында Шон Стриклендке төрешілердің бөлек шешімімен жеңіліп, чемпион белдігінен айырылды.
44 жастағы американдық Тайрон Вудлидің ММА-дағы көрсеткіші — 19 жеңіс, жеті жеңіліс және бір тең есеп. 2016 жылы ол Робби Лоулерді нокаутпен жеңіп, UFC-дің жартылай орта салмақ дәрежесінде чемпион атанды әрі белдігін төрт рет сәтті қорғады. Аралас жекпе-жекке келгенге дейін Вудли Big 12 конференциясының чемпионы болып, NCAA бірінші дивизионының үздік балуандар қатарына екі мәрте кірген еді.