Албанияда өтетін 23 жасқа дейінгі балуандар арасында әлем чемпионатына аттанатын балуандар тізімі анықталды, деп Dopmedia.kz тілшісі Ұлттық Олимпиадалық комитеттің ресми сайтына сілтеме жасап хабарлайды.
Албанияның Тирана қаласында өтетін әлем чемпионатына еркін, грек-рим және әйелдер күресінен 23 жасқа дейінгі Қазақстан командасы толық құрамда қатысады. Олардың ішінде еркін күрестен қазақтан шыққан тұңғыш әлем чемпионы Ризабек Айтмұхан да бар.
Еркін күрестен U23 әлем чемпионатына қатысатын Қазақстанның ерлер құрамасы:
57 кг: Алан Оралбек
61 кг: Әділет Әлмұхамедов
65 кг: Бекзат Ермекбай
70 кг: Ернұр Нұрғазы
74 кг: Әлі анықталу үстінде
79 кг: Жеңіс Қаныбеков
86 кг: Нұржан Исағалиев
92 кг: Бекзат Аманғалиев
97 кг: Ризабек Айтмұхан
125 кг: Омархан Надиров
