Талғар ауданында КСРО спорт шебері Есенжол Әлімановты еске алуға арналған грек-рим күресінен республикалық ашық турнир басталды, деп хабарлайды Dopmedia.kz.
Бұл жарысқа Қазақстанның түкпір-түкпірінен, сондай-ақ Қырғызстан, Өзбекстан және Ресейден келген жас балуандар қатысуда. 2005-2007 жылдары туылған 256 спортшы 10 салмақ дәрежесінде өз шеберліктерін көрсетеді.
Жарыстың ашылу салтанатында Алматы облысының дене шынықтыру және спорт басқармасы басшысы Ерболат Сарабекұлы спортшыларға сәттілік тіледі.