Ресми: Жәнібек Әлімханұлының келесі қарсыласы белгілі болды
Жәнібек Әлімханұлы шаршы алаңға қашан оралады?
Бүкіләлемдік бокс ұйымы (WBO) орта салмақтағы әлем чемпионы Жәнібек Әлімханұлының чемпиондық атағын британиялық Хамза Ширазқа қарсы қорғайтынын ресми түрде мәлімдеді, деп хабарлайды Dopmedia.kz.
WBO-ның мәлімдемесіне сүйенсек, Жәнібек Әлімханұлы мен Хамза Шираздың командалары бүгіннен бастап 15 күн ішінде жекпе-жекке келісу керек. Егер қос боксшының командалары өзара келіспесе, жекпе-жек промоутерлік сатылымға өтеді.
Естеріңізге сала кетейік, 4 қазанда Жәнібек Әлімханұлы жаңазеландиялық Андрей Михайловичті жеңіп, IBF және WBO чемпиондық атақтарын қорғаған болатын.