Әбу-Дабиде төбелеске қатысқандар әлі де қамауда отыр
Абу-Даби әуежайындағы қақтығысқа байланысты Мераб Двалишвили, Усман Нұрмағомедов және өзге қатысушылар жергілікті билік қамауында қалып отыр. Оқиға бойынша іс прокуратураға берілді.
Грузиялық экс-чемпион UFC Мераб Двалишвили, ресейлік жекпе-жек шебері Усман Нұрмағомедов және Әбу-Дабидегі қонақүйдегі төбелеске қатысқан өзге адамдар оқиғадан кейін бір тәуліктен астам уақыт өтсе де, жергілікті билік қамауында отыр.
Журналист Ариэль Хельвани таратқан мәліметке сәйкес, Двалишвили мен оның досы Саба да әлі босатылмаған. Хельвани бұл жөнінде әлеуметтік желідегі жазбасында хабарлады.
Двалишвилидің айтуынша, Нұрмағомедов пен оның таныстары қонақүй холлында сұхбат жазу кезінде өзіне және грузиялық балуан Саба Лазишвилиге шабуыл жасаған. Осыдан кейін Әбу-Даби полициясы қақтығысқа қатысқан сегіз адам мен оқиғаны түсіріп тұрған екі адамның ұсталғанын мәлімдеді.
Іс прокуратураға жолданды. Ал Двалишвилидің 14 қарашада бразилиялық Марлон Мораеске қарсы RAF Abu Dhabi турнирінде белдесуі жоспарланған.